MANILA, Philippines – Para kay Akbayan Rep. Chel Diokno, panahon na para simulan ang impeachment trial laban kay Vice President Sara Duterte sa harap ng Senate impeachment court, matapos walang bagong isyung kailangang sagutin sa kanyang sagot sa Articles of Impeachment.
Ayon kay Diokno, “The reason why we did not file a reply is because there are no new factual allegations that we have to answer. What we need now is to try this case immediately and we, on the part of the prosecution team, are very ready to present our evidence.”
Dagdag niya, tila nais lamang umano ng kampo ni Duterte na maibasura ang kaso bago pa ang aktwal na paglilitis, bagay na hindi dapat mangyari.
“What we were expecting as an answer to the Articles of Impeachment, are counter arguments to the allegation of facts stated. But if you look at the vice president’s answer, it seems that she wants the case to be dismissed immediately,” ani Diokno.
Sinabi rin niya na dapat isagawa ang trial upang makita ng publiko ang ebidensya, at hindi agad ibasura ang kaso.
Ayon sa kanya, handa na ang 11-member prosecution team, at kahit pa may mga isyung pampulitika sa Senado, tuloy ang kanilang paghahanda para sa paglilitis.
Sinabi ng mga prosecutor na target nila ang pre-trial conference sa Hunyo 18, at posibleng simula ng aktwal na impeachment trial sa Hulyo 6.
Samantala, nakatakda na rin ang susunod na hakbang ng proseso sa impeachment court habang inaasahan ang mas malalim na pagdinig sa mga paratang laban kay Duterte. RNT/MND
