MANILA, Philippines- Hiniling sa Supreme Court ng partido politikal na PDP-Laban na ipatigil ang internet voting para sa overseas Filipinos ngayong midterm elections.
Sa inihaing petition for prohibition and mandamus with an urgent prayer for a temporary restraining order (TRO) and writ of preliminary injunction, kinuwestyon ng PDP-Laban at iba pang petitioners ang remote online voting for overseas voters at ang automated counting of votes.
Iginiit ng mga petitioner na ang automated counting of votes ay labag umano sa Section 31 ng Election Automation Law dahil nakasaad dito ang manual counting ng mga balota sa precinct level.
“Wala pang batas on online voting. Ang Comelec, on its own, issued three Comelec resolutions which implement online voting even if there is no law yet on the matter,” ani Atty. Israelito Torreon, legal counsel.
“Yung batas on electronic counting was provided for RA 8436 but this was specifically amended by RA 9369 and RA 8436 has been implemented even if this is a clear violation of our existing law.”
Sinabi ni Torreon na mayroon dapat safeguards at konsultasyon sa lahat ng stakeholders hinggil sa internet voting para sa overseas workers. Teresa Tavares
