MANILA, Philippines – Apektado ng infertility ang isa sa bawat anim na tao sa buong mundo, ayon sa World Health Organization (WHO).
Ito ay kasabay ng paglalabas ng organisasyon ng bagong global guideline na nagpapakita ng rekomendasyon sa pagpapabuti ng access sa prevention, diagnosis at treatment dito.
Ang access sa fertility care ay nananatiling “severely limited” sa kabila ng lawak ng isyu.
Sa maraming mga bansa, ang test at gamutan para rito ay nangangailangan ng malaking halaga.
Ang single round ng vitro fertilization (IVF) ay nagkakahalaga ng “double the average annual household income.”
“Infertility is one of the most overlooked public health challenges of our time and a major equity issue globally,” pahayag ni WHO Director-General Tedros Adhanom Ghebreyesus.
“Millions face this journey alone – priced out of care, pushed toward cheaper but unproven treatments, or forced to choose between their hopes of having children and their financial security.”
Ayon sa health agency, ang infertility ay maaaring magdulot ng stigma, distress at financial hardship.
Inirerekomenda naman ang healthy diet, physical activity, at paghinto sa paggamit ng tobacco para sa mga taong nagbabalak na magbuntis.
“The prevention and treatment of infertility must be grounded in gender equality and reproductive rights,” ani Pascale Allotey, director ng WHO department of sexual, reproductive, maternal, child, and adolescent health and ageing. RNT/JGC
