MANILA, Philippines – Inaresto ng National Bureau of Investigation ang dating TV at broadcast personality na si Jay Sonza dahil sa cyberlibel case na inihain laban sa kanya.
Ito ay dahil sa umano’y pagpapakalat ng pekeng medical record ni Pangulong Ferdinand Marcos Jr.
“Just now, a few minutes ago, he was just arrested,” sinabi ni NBI Director Melvin Matibag sa panayam nitong Huwebes ng gabi, Abril 30.
Nag-isyu ng arrest warrant ang Pasay City Regional Trial Court sa kaparehong araw.
Kasunod ng pagkakaaresto ni Sonza, naglabas naman ng pahayag ang legal counsel nito na si Atty. Mark Tolentino at sinabing didiretso siya sa NBI “to ensure that his rights are fully respected, especially as a senior citizen.”
“We will not let any violation pass. We will monitor every step. We will take action if necessary,” ayon kay Tolentino.
Matatandaan na noong Pebrero ay naghain ng cyber libel complaint ang NBI laban kay Sonza at sa isa pang vlogger na si Jeffrey Luces Celiz, o “Ka Eric Celiz,” sa umano’y pagpapakalat ng pekeng medical record ng Pangulo. RNT/JGC
