MANILA, Philippines – NANAWAGAN ang Department of Budget and Management (DBM) sa lahat ng pinuno ng mga ahensiya ng gobyerno na iprayoridad ang contract of service (COS) at job order (JO) workers sa pagpunan sa kani-kanilang bakanteng plantilla o permanenteng posisyon sa gobyerno.
Sinabi ni Budget Secretary Amenah Pangandaman na may kabuuang 2,017,380 plantilla positions sa national government, 92% ang napunan habang 8% o 168,719 posisyon ang nananatiling nakatiwangwang o hindi pa napupunan.
“Eight percent— that’s 168,719 positions still unfilled. We encourage our department heads to absorb those JO and COS [workers] when they fill in these unfilled plantilla positions,” ayon sa Kalihim.
Tinukoy din ni Pangandaman ang kamakailan lamang na ipinalabas na ‘Commission on Audit (COA)-DBM Joint Circular No. 2, series of 2024,’ nagbibigay ng extension ng transition period sa engagement o kasunduan ng COS at JO workers sa gobyerno.
“The circular provides that the departments/agencies may engage the services of new COS/JO workers through individual contracts and renew the individual contracts of their existing COS/JO workers until December 31, 2025,” ayon sa DBM.
Ang pagpapalabas ng circular ay bilang tugon sa naging direktiba ni Pangulong Marcos na i-extend ang transition period sa engagement ng COS at JO workers sa gobyerno kung saan ang kontrata ay mapapaso na sa Disyembre ngayong taon.
“So, with the extension of until December 31, 2025, we are giving them a chance to enrich their experience and even their educational experience so they can be considered for the vacant [plantilla] positions in the national government,” ang sinabi ni Pangandaman.
Winika ng DBM, nauna nang ipinag-utos ni Pangulong Marcos sa mga ahensiya ng gobyerno na magpatupad ng estratehiya para tulungan ang mga COS at JO workers na kuwalipikado para sa permanent positions.
Kabilang sa mga estratehiya na kinokonsidera ay ang pagpapatuapd ng programa gaya ng review sessions, upang tulungan ang kani-kanilang COS at JO workers na makapasa sa Civil Service Examination.
Idagdag pa rito, ang kasanayan at kakayahan ng COS at JO workers ay maaaring i- developed sa pamamagitan ng isailalim ang mga ito sa ‘reeducating and training’ upang magawa ng mga ito na makapasa sa Civil Service Examination.
Ang COS ay tumutukoy sa ‘the engagement of the services of an individual, private firm, other government agency, non-governmental agency, or international organization as a consultant, learning service provider, or technical expert to undertake a special project or job within a specific period.’
Habang ng JO naman ay tumutukoy sa piece work (pakyaw) o intermittent o emergency jobs na isinasagawa sa maikling panahon para sa partikular na ‘piece of work.’ Kris Jose
