Pumirma ng bagong kontrata si Justin Brownlee para maglaro sa isang propesyonal na club sa Indonesian Basketball League.
Kinumpirma ni Brownlee ang balita sinabing “Oo, maglalaro ako nang propesyonal sa Indonesia sa loob ng ilang buwan.”
Bagama’t hindi pa niya maihayag ang koponang kanyang paglalaruan, sinabi ng 35-anyos na naturalized player ng Gilas Pilipinas na nakatakda siyang umalis sa Linggo.
Sumang-ayon si Brownlee sa isang deal hanggang Hunyo, at magkakaroon ng player option na available pagkatapos nito kung gusto niyang magpatuloy sa paglalaro.
Ayon sa ulat, darating ang susunod na Gilas call-up ni Brownlee sa Olympic qualifiers sa Hulyo.
May basbas ang biyahe nina Gilas at Ginebra coach Tim Cone dahil ito ang magpapanatili ng kundisyon ni Brownlee bago ang kanyang susunod na tawag sa pambansang koponan.
Wala ring import-spiced tournament ang Ginebra na laruin sa panahong iyon.
“Si coach Tim ang nagtulak sa akin na maglaro para manatili ako sa kondisyon,” patuloy niya.
Ang Indonesian gig ay muling makakasama niya sa dating Terrafirma import na si Lester Prosper, isang Indonesia naturalized player na ngayon ay isang fixture sa IBL.JC
