MANILA, Philippines – Isang 50-anyos na barangay kagawad ang nasawi matapos umawat sa gulo sa New Lucena, Iloilo, nang siya ay saksakin ng suspek na diumano’y nambastos ng isang tindera.
Ang insidente, na kuha sa video, ay nagpapakita ng isang lalaki na tinatakbuhan ng dalawang iba pang lalaki, isa sa kanila ay may dalang kutsilyo.
Ayon sa imbestigasyon ng pulisya, nambastos ang suspek ng isang tindera kaya’t kinompronta siya ng mga tindera.
Sa kasagsagan ng kaguluhan, rumesponde ang barangay kagawad ngunit siya ay sinaksak sa tiyan.
Sinabi ng 36-anyos na suspek na hindi niya intensyong mapatay ang biktima at siya’y tinulungan umano ng ibang tao. Nahaharap sa kasong homicide ang naarestong suspek. RNT
