MANILA, Philippines – Pinuna ni Ombudsman Jesus Crispin Remulla nitong Sabado, Oktubre 3 ang kakulangan ng data sharing sa Bureau of Customs para sa mas maigting na anti-smuggling campaign.
“Nagkaroon kami ng meeting ng Customs tsaka DOJ para tumigil na ang kalokohang ito sa smuggling. Ang problema mo lagi ‘yung sa Customs, ayaw nila kumpletuhin ‘yung documentation para ma-dismiss ang kaso. Ifa-file namin ‘yung kaso, o kaya imbestigahan namin. Sabay kapag hinihingi na namin ‘yung dokumento ayaw dumating ng ibang dokumento,” sinabi ni Remulla.
“Walang data sharing. At least ang DBM [Department of Budget and Management] pumayag na sa data sharing. Ngayon Customs ang icha-challenge namin,” dagdag pa niya.
Kamakailan ay pumirma ang Department of Justice (DOJ), National Bureau of Investigation (NBI), at BOC ng memorandum of agreement (MOA) na layong sugpuin ang economic sabotage.
Pinirmahan nina Justice Secretary Fredderick Vida, BOC Commissioner Ariel Nepomuceno, at NBI Director Melvin Matibag ang kasunduan at si Remulla ang nagsilbing witness.
“Under this agreement, we commit to the timely exchange of information so that what one agency discovers, the others can act on,” sinabi ni Vida.
Aniya, ang mga ahensya ay lilikha ng joint task force at technical working group sa loob ng 30 araw. RNT/JGC
