LINGAYEN, Pangasinan – Natagpuang palutang-lutang ang kalahating katawan ng isang pastor ng simbahan sa dalampasigan ng Sitio Pao, Barangay Ilio-Ilio, Burgos, lalawigang ito, noong Agosto 4.
Kinilala ng pulisya ang biktima na si Eduardo Natividad Guille ng Barangay Seselangen, Sual, Pangasinan.
Nadiskubre ng mga residente ang katawan na wala ang upper half at nakasuot ng navy blue na pantalon na may green belt.
Nakuha ng pulisya ang bangkay na dinala sa Gabuyo Funerals Homes sa Poblacion, Dasol, Pangasinan.
Positibong kinilala ng mga kaanak ang biktima sa funeral parlor sa pamamagitan ng suot nitong pantalon.
Sinabi ni Burgos deputy chief of police Polie Lt. Regi Fernandez na nagulat ang mga kaanak ng biktima sa kanyang sinapit.
Ang biktima ay isang mabuting ama at may magandang reputasyon sa simbahan at komunidad, sabi ng mga kamag-anak ni Guille. RNT
