MANILA, Philippines – Naghain ng notice ang kampo ni dating Pangulong Rodrigo Duterte sa International Criminal Court (ICC) Appeals Chamber na humihirit ng reversal ng desisyon ng kapulungan sa pagpapatuloy ng detention nito.
Sa anim na pahinang dokumento na may petsang Enero 28, humiling ang kampo ni Duterte ng agarang interim release sa ilalim ng mga kondisyon na ibibigay ng state party.
Iginiit nila na ang Pre-Trial Chamber I ay nakagawa ng error of law at hindi rin ikinonsidera ang medical report na ibinigay ng team nito.
“[I]t speaks directly to Mr. Duterte’s deteriorating health and compromised cognitive condition, a factor that the Pre-Trial Chamber was obliged to consider in its periodic review of Mr. Duterte’s detention.”
“In refusing to consider the Report, the Pre-Trial Chamber failed in its duty to assess whether there exist changed circumstance that would, in turn, affect the necessity of detention,” dagdag pa.
Noong Enero 26, napag-alaman ng Pre-Trial Chamber I na mayroong reasonable grounds para paniwalaang si Duterte ay nakagawa ng krimen sa hurisdiksyon ng korte.
Sa kaparehong araw, natuklasan din ng Kapulungan na si Duterte ay ‘fit’ para makibahagi sa pre-trial proceedings sa crimes against humanity charges sa mga pagkamatay sa kanyang war on drugs.
Tinanggihan din ng ICC ang hiling nito para sa indefinite adjournment.
Itinakda ang confirmation of charges hearing sa Pebrero 23, 2026. RNT/JGC
