Katarungan Caravan

MANILA, Philippines – Lubos na nagpasalamat si Navotas Mayor John Rey Tiangco sa Department of Justice (DOJ) at mga volunteer lawyers para sa matagumpay na pagsasagawa ng Katarungan Caravan na naghatid ng serbisyong legal at dokumentaryo sa mga residente.

Sa pamamagitan ng programa, nakakuha ang mga Navoteño ng PSA documents, NBI at prosecutor’s clearance, gayundin ng libreng legal consultation sa iisang lugar.

Nagkaroon din ng mga lecture hinggil sa Anti-Violence Against Women and Children Act, Katarungang Pambarangay, Safe Spaces Law, sextortion, at cybercrime.

Ikinatuwa ng mga residente ang programa dahil hindi na nila kailangang magtungo sa iba’t ibang ahensya na malalayo upang makuha ang mga kinakailangang dokumento at serbisyo. Jojo Rabulan