MANILA, Philippines – Natapos ng Philippine Army ang third edition ng malaking unilateral Combined Arms Training Exercise na “Katihan” noong Miyerkules.
Ayon sa Army spokesperson na si Louie Dema-ala, nagkaroon ng “after activity review” (AAR) sa Training Command (TRACOM) headquarters sa Camp O’Donnell, Capas, Tarlac, na pinangunahan ng PA chief na si Lt. Gen. Antonio Nafarrete at TRACOM commander na si Maj. Gen. Michael Logico.
Tinukoy sa AAR ang mga warfighting drills tulad ng displaced civilian operations, littoral defense, mobile defense/retrograde operations, at area defense sa iba’t ibang training areas sa Pangasinan at Ilocos Norte. Layunin nitong tukuyin ang training gaps at aral na natutunan upang mapalakas ang command & control, sustainment, littoral defense, at reserve force integration ng Army.
Nagsimula ang exercise noong Pebrero 23 at lumahok ang pinakamalaking bilang ng sundalo sa kasaysayan nito — 4,222 mula sa artillery, infantry, cavalry, signal, special operations forces, at reserve units.
Ito rin ay paghahanda ng Army para sa nalalapit na U.S.-PH Salaknib-Balikatan Exercises at Joint Pacific Multinational Readiness Center-Exportable Exercise kasama ang U.S. Army Pacific sa Abril at Mayo.
Ayon kay Dema-ala, “Patuloy na pinapalakas ng PA ang kakayahang mag-project ng combined arms brigade bilang bahagi ng Land Defense Concept, na sumasaklaw sa large-force maneuver, sustainment, at warfighting functions bilang suporta sa Comprehensive Archipelagic Defense Operations at territorial defense.” RNT/MND
