MANILA, Philippines – LOVE triangle at droga ang tinitingnang motibo sa pagpatay at pagtatapon sa poso negro ng biktimang lalaki sa Pasig City.
Sa nakuhang impormasyon, pinatay sa saksak sa pamamagitan ng screwdriver ang biktima dahil sa kagustuhan ng una na makipagbalikan sa kinakasama ng suspek.
Gayundin, sangkot di umano sa iligal na droga ang grupo ng limang suspek sa pagpatay sa biktima at pinaghihinalaan nilang Police asset ang itinumbang biktima.
“Isang informant ang nagturo kung saan itinapon ang biktima. Validated, they were involved in illegal drug pushing. We were able to file a case of murder. Two of them were arrested during the follow-up operation upon the discovery of the crime, then one was arrested in a separate operation. Yung isang suspek, nahuli sa Masbate,” sabi ni Eastern Police District Director Police Brigadier General Wilson Asueta sa panayam. (Dave Baluyot)
