MANILA, Philippines – Isang Kenyan militant na nahatulan sa Estados Unidos sa pagbabalak ulitin ang “September 11” attacks ay na-deport ng Philippines Bureau of Immigration (BI) noong 2020, ayon kay BI Spokesperson Dana Sandoval.
Si Cholo Abdi Abdullah, miyembro ng Al-Shabaab, ay inaresto sa Pilipinas noong 2019 at deported dahil sa undesirability at koneksyon sa terrorist group.
Ayon sa travel records, dumating siya sa bansa noong 2017 at palipat-lipat mula noon.
Noong Nobyembre 4, 2024, hinatulan si Abdullah sa Estados Unidos ng dalawang magkakasunod na life terms dahil sa pagsasabwatan sa pagpatay ng US nationals, aircraft piracy, at iba pang krimen.
Ayon kay US Assistant Attorney General John A. Eisenberg, “Abdullah, an Al-Shabaab terrorist, sought to replicate the most horrific terrorist attack in our history… His life sentence is a powerful reminder that those who plot attacks against the United States will be prosecuted and punished to the fullest extent of the law.”
Dagdag pa ni US Attorney Jay Clayton, “Abdullah pursued his commercial pilot license at a flight school in the Philippines while conducting extensive attack planning on how to hijack a commercial plane and crash it into a building in America.” RNT/MND
