Kinatawan ng Old Sta. Mesa hinirang na Darling of the Press Miss Manila 2024

MANILA, Philippines – Dalawang linggo mula ngayon bago koronahan ang itatanghal na Miss Manila 2024 ay nagpasulyap ang nasa 24 na naggagandahang kandidata sa mga miyembro ng Selection Committee at mga miyembro ng media sa ginanap na press presentation Lunes ng hapon.

Ang Miss Manila 2024 ay isa lamang sa mga nakalinyang kaganapan sa pagdiriwang ng ika-453-taong anibersaryo ng Araw ng Maynila na magpapamalas sa makasaysayan at kultural na pamana ng Maynila at maging ng lakas at katatagan ng mga natatanging lugar tulad ng Sta Cruz, Binondo Chinatown at Divisoria.

Ang bawa’t kandidata, na isa-isang nagpakilala, ay nabigyan din ng pagkakataong rumampa, suot ang kanilang gown at swimsuit, at magpamalas ng kanilang katalinuhan at talento sa pamamagitan ng ginanap na pagtatanong ng mga miyembro ng tri-media.

Matapos nito ay napili bilang “Darling of the Press” ang 24-na taong gulang na host-model, negosyante at designer na si Charyzah Esparrago na kumakatawan sa Old Sta Mesa na nagbigay sa kanya ng higit pang lakas ng loob na magwagi sa patimpalak.

Ang Miss Manila 2024 Grand Coronation Night ay gaganapin sa Hunyo 22 sa Metropolitan Theater kung saan tatayo bilang host si dating Miss Universe 2028 Catriona Gray. Sasamahan siya nina Gabbi Garcia at Miss Universe 2022 Rbonney Gabriel.

Kabilang naman sa mga miyembro ng Selection Committee sina GMA 7 Executive Ms, Annette Gozon-Valdes, Sparkle’s Joy Marcelo, Miss Universe Philippines 2024 Chelsea Manalo at Ms. Charo Santos-Concio.

Ang Miss Manila 2024 ay itinaguyod ng Pamahalaang Lungsod ng Maynila, Department of Tourism, Culture and Arts of Manila (DTCAM), Kreativeden Entertainment, Cream Silk, Royal Aesthetics, Swiss-Belhotel Blulane, Global Tronics at iba pa. JAY Reyes