MANILA, Philippines – Sinabi ng Philippine National Police (PNP) na bumaba ang crime rate sa bansa ng 12.86 percent noong Nobyembre.
Naitala ang 2,615 crime incidents sa naturang buwan, mas mababa kumpara sa 3,001 crime incidents na naitala noong Oktubre.
Sa pahayag ng PNP, bumaba ang kaso ng rape ng 35.27 percent sa pagitan ng Oktubre at Nobyembre; bumaba rin ang kaso ng physical injury ng 17.24 percent; murder cases ng 14.18 percent; theft cases ng 9.38 percent; at carnapping ng motorsiklo ng 2.37 percent.
Partikular din na tinukoy ng PNP ang pagbaba ng cybercrimes mula 379 insidente noong Oktubre sa 311 insidente na lamang noong Nobyembre, o 17.94% na pagbaba.
“The numbers are encouraging, but we won’t be complacent. We will continue to focus on targeted operations, visible police presence, and strong community partnerships,” saad sa pahayag ni Acting PNP Chief Lt. Gen. Jose Melencio Nartatez Jr. RNT/JGC
