ILOCOS SUR-Patay ang isang 55-anyos na lalaki matapos na malunod sa ilog sa Brgy. Pandan, Caoayan ng lalawigang ito kaninang madaling-araw, Marso 23.
Kinilala ng Caoayan Municipal Police Station ang biktima na si Samuel Abrogena y Arafiles, may asawa, residente ng Brgy. Tamag, Vigan City, Ilocos Sur.
Bandang 2:00 ng madaling-araw nang makatanggap ng cellphone call ang Caoayan MPS tungkol sa drowning incident sa naturang lugar.
Ang biktima na nakitang palutang-lutang sa ilog ay agad na na-retrieve at nadala sa pampang ng tabing-ilog.
Agad na isinugod sa ospital ang biktima ngunit idineklarang dead-on-arrival ng umatending doktor.
Walang makitang signs of injury at foul play sa katawan ng biktima.
Bago ang insidente, madalas umanong makitang mag-isa ang biktima sa gilid ng ilog ng Brgy. Pandan, Caoayan, Ilocos Sur malapit sa Pandan boardwalk. Rolando S. Gamoso
