Landslide victory sa Cavite ipinangako ng mga alkalde

Sa isang makapangyarihang pagpapakita ng pagkakaisa at lakas sa pulitika, nagtipon nitong Miyerkules ng gabi (Abril 9) ang mga alkalde ng mga lungsod at bayan ng Cavite upang ipahayag ang kanilang buong suporta sa muling pagtakbo ni Senador Ramon Bong Revilla, Jr. at ng AGIMAT Partylist.

Lahat ng 23 punong lungsod at bayan ay nagkaisa sa kanilang suporta sa kapwa nila Caviteño – Sen. Bong Revilla at Rep. Bryan Revilla – at sabay-sabay na nangakong ihahatid ang isang landslide na tagumpay para sa dalawa sa nalalapit na halalan. Ang Cavite, na ikalawang lalawigan sa bansa na may pinakamaraming botante, ay may kabuuang 2,447,362 rehistradong botante para sa Pambansa at Lokal na Halalan sa 2025. RNT