MANILA, Philippines – MAHIGPIT nang ipinagbabawal ng Bureau of Immigration (BI) ang mga deportation flight na may mga layover para sa mga dayuhang pugante na sangkot sa mga krimen na may kinalaman sa POGO.
Sa ilalim ng BI Board of Commissioners Resolution No. 2025-002, na may petsang Marso 21, 2025, ang mga na-deport na dayuhan na may link sa mga POGO ay maaari lamang ilagay sa mga direktang flight papunta sa kanilang sariling bansa, maliban sa mga kaso kung saan walang direktang ruta mula sa Pilipinas.
“This is unchartered territory since we started mass deportations and arrests this year in compliance with President Ferdinand ‘Bong Bong’ Marcos’ declaration of a POGO ban,” ani BI Commissioner Joel Viado.
“The discussions during senate hearings allowed us to hear other perspective that we have included in our discussions. This is a firm step in strengthening our deportation procedures. Removing direct flights for POGO-related foreign nationals would lower opportunities of them expanding their operations in other countries in the Asian region,” dagdag pa ng opisyal.
Ang naturang kautusan ay matapos isulong nina Senators Risa Hontiveros at Sherwin Gatchalian ang mas mahigpit na hakbang upang maiwasan ang mga high-profile na kriminal na manipulahin ang mga protocol ng deportasyon.
Nagpahayag ng pasasalamat si Viado sa mga senador at iba pang mambabatas na sumuporta sa inisyatiba.
“I extend my deepest appreciation to Senators Gatchalian, Hontiveros, at sa lahat ng mambabatas na tumulong sa pagsulong ng repormang ito. Their commitment to closing loopholes in our deportation process has been instrumental in ensuring that foreign syndicates cannot exploit our system. We stand with them in making our immigration policies stronger and more secure,” ani Viado.
Ang BI, sa pakikipag-ugnayan sa Department of Justice (DOJ), ay nagsimula nang makipagtulungan sa mga airline at dayuhang embahada upang matiyak ang maayos na pagpapatupad ng bagong direktiba.
Hinimok din ni Viado ang mga mambabatas na galugarin ang karagdagang suporta sa lehislatura upang ma-institutionalize ang patakaran.
Pinag-aaralan din ng bureau ang mga karagdagang pagpapahusay sa seguridad para sa mga pamamaraan ng deportasyon, kabilang ang mas mahigpit na koordinasyon sa mga ahensyang nagpapatupad ng batas sa ibang bansa.
“This is just the beginning. We will continue reviewing and strengthening our deportation processes to prevent criminals from finding ways back into the country or evading justice,” dagdag pa ni Viado.
“Pinapakita ng polisiyang ito na seryoso ang pamahalaan sa pagsugpo ng transnational crimes at pagpapalakas ng seguridad ng ating bansa. Hindi natin papayagan ang mga dayuhang kriminal na samantalahin ang ating sistema. Ang ating mensahe ay malinaw—kung ikaw ay lumabag sa batas, sisiguraduhin namin na tuluyan kang mapapalabas ng Pilipinas nang walang pagkakataong mapalawak ang inyong sindikato,” giit pa ni Viado.
“Muli, nagpapasalamat kami kina Senador Gatchalian, Hontiveros, at sa lahat ng mambabatas na tumulong upang maisakatuparan ang makabuluhang pagbabagong ito.” JR Reyes
