MANILA, Philippines – Nagsimula nang mangampanya si dating Vice President Leni Robredo sa Naga City sa pagka-alkalde, kasabay ng pangako na sisiguruhin ang people-centered governance sa lokal na lebel sa oras na siya ay maluklok sa pwesto.
Nitong Biyernes, Marso 28, ay nag-ikot si Robredo kasama ang “An Bagong Team Naga” sa Naga City People’s Mall.
Sinabi ni Robredo na pangako ng kanyang grupo na “ensuring inclusive progress, sustainable growth, and urban development in their happy place.”
Kasama sa “An Bagong Team Naga” activity sina Camarines Sur Representative Gabby Bordado, na tatakbong vice mayor, at mga kandidato para sa Sangguniang Panlungsod: incumbent councilors Gayle Abonal-Gomez, Jess Albeus, Omar Buenafe, Joe Perez, at Oying Rosales; dating city administrator Elmer Baldemoro; dating city budget officer Frank Mendoza; city health officer Butch Borja; dating councilor Miles Raquid-Arroyo; at Areiz Macaraig.
“Komunsulta kami sa inyo. Dumaan tayo sa mahabang konsultasyon. Nu’ng napili na sila, nagsimula na kami sa pag-aaral. Meron na kaming mga workshop na dinaluhan. Handang-handa na sa pagtrabaho. Madidiskaril kami kapag nakulangan kami. Kaya ang aking pakiusap: ‘Ubos kun ubos, gabos kun gabos’ pa rin,” aniya.
Sa oras na mahalal, nangako si Robredo na tututukan nito ang mga alalahanin sa Naga katulad ng tubig, kuryente, traffic, at flood control. RNT/JGC
