MANILA, Philippines – NAMAHAGI ng libo-libong sako ng bigas ang opisina ni Manila Vice Mayor Chi Atienza sa mga miyembro ng 1st district Tricycle Operators and Drivers Association (TODA) sa Balot, Tondo, nitong Martes, Agosto 12.
Ang inisyatiba na ito ay naglalayong maibsan ang lumalalang hirap na nararanasan ng karamihan ng mga tricycle driver na nagpupumilit na tustusan ang kanilang pamilya sa gitna ng pagtaas ng presyo ng mga pangunahing bilihin at serbisyo, gayundin ang patuloy na pagtaas ng presyo ng gasolina.
“Tuloy-tuloy na serbisyo para sa mga Manilenyo kahit wala tayo sa Manila,” ani Atienza na kasalukuyang nasa Malaysia para sa Meeting of Governors and Mayors of ASEAN Capitals (MGMAC).
Paliwanag ni Atienza, tiniyak niyang ang libu-libong kilo ng donasyong bigas ay inilaan sa masisipag na sektor ng TODA para may maiuwi sila sa kanilang mga pamilya.
Patuloy na ipinakita ng bise alkalde ang kanyang personal o direktang pagtulong sa mga Manilenyo sa nakalipas na ilang lingo kung saan personalitonga bumisita sa mga lugar ng mga kamakailang sunog upang masuri ang mga pangangailangan ng mga pamilya at manguna sa mga pagsisikap na mapabilis ang pagpapalabas ng mga pondo para sa kalamidad.
Higit pa rito, binibigyang-diin ng inisyatiba ng tanggapan ang pangako ni Atienza ng patuloy na suporta para sa lahat ng sektor sa lungsod at ang kanyang pangako sa pagtulong sa ibang mga komunidad na nangangailangan sa panahon ng mahihirap na panahon. JAY Reyes
