MANILA, Philippines – Binabantayan ng Philippine Atmospheric, Geophysical and Astronomical Services Administration (Pagasa) ang isang low pressure area (LPA) sa labas ng Philippine Area of Responsibility (PAR) na maaaring maging tropical depression sa loob ng 24 oras.
Ayon sa Pagasa, “As of 8:00 AM today, March 7, 2026, a low pressure area is being monitored outside the Philippine Area of Responsibility and has a low chance of developing into a Tropical Depression within the next 24 hours.”
Dagdag pa ng ahensya, “All are advised to monitor updates from DOST-PAGASA.”
Samantala, sinabi ng Pagasa na maulap na kalangitan at pag-ulan ang mararanasan sa karamihan ng bahagi ng Philippines dahil sa easterlies at northeast monsoon o amihan.
Makakaranas ng maulap na panahon na may mahinang ulan ang Batanes, Babuyan Islands, Apayao, mainland Cagayan, at Ilocos Region dahil sa amihan.
Sa natitirang bahagi ng Cordillera Administrative Region at Cagayan Valley, inaasahan ang partly cloudy hanggang maulap na kalangitan na may isolated light rains dulot pa rin ng amihan.
Sa iba pang bahagi ng bansa, partly cloudy hanggang maulap na panahon na may isolated rain showers o thunderstorms ang mararanasan dahil sa easterlies.
Sa Northern Luzon, inaasahan ang katamtaman hanggang malakas na hangin at katamtaman hanggang maalon na karagatan.
Samantala, mahina hanggang katamtamang hangin at bahagya hanggang katamtamang alon ang mararanasan sa natitirang bahagi ng bansa. RNT/MND
