MANILA, Philippines – Pumabor ang Metropolitan Manila Development Authority (MMDA) sa hakbang ng Land Transportation Office (LTO) na ipagbawal ang electric bicycles (e-bikes) at electric tricycles (e-trikes) sa national highways.
Ayon kay MMDA Chairman Atty. Romando Artes, may umiiral nang regulasyon ang ahensya para sa e-bikes at e-trikes sa pangunahing kalsada sa Metro Manila.
“Kami po sa MMDA at sa MMC ay meron nang inissue as early as 2002 na regulation in so far as major roads are concerned,” ani Artes.
Nilinaw niya na ang regulasyon sa inner roads at mga lugar sa labas ng Metro Manila ay saklaw ng LTO at mga LGU, ngunit susuportahan ng MMDA ang total ban kung ipapatupad. Santi Celario
