MANILA, Philippines – Niyanig ng magnitude 5.4 na lindol ang karagatang bahagi ng Eastern Samar nitong madaling araw ng Miyerkules, Abril 29, ayon sa Philippine Institute of Volcanology and Seismology (PHIVOLCS).
Sa paunang bulletin ng Phivolcs, nangyari ang lindol bandang 6:58 a.m., na may sentro 42 kilometro hilagang-silangan ng San Policarpio, Eastern Samar, at may lalim na 10 kilometro.
Naitala ang Intensity III (mahina) sa Can-Avid, Eastern Samar at Palapag, Northern Samar. Naramdaman naman ang Intensity II (bahagyang naramdaman) sa Gandara, Samar, habang Intensity I (halos hindi naramdaman) sa Carigara, Abuyog, Alangalang, at Dulag sa Leyte.
Ayon sa Phivolcs, walang inaasahang pinsala o aftershocks mula sa lindol. Santi Celario
