Maglolo utas sa sunog sa QC

QUEZON CITY – Patay ang maglolo sa sunog na sumiklab sa isang residential fire sa Barangay Gulod, Novaliches noong Huwebes ng hapon.

Nagsimula ang sunog dakong alas-5 ng hapon. at umabot sa pangalawang alarma.

Naabo ng sunog ang 10 bahay, na ikinawala ng mahigit 20 pamilya. Inaalam pa ng mga awtoridad ang sanhi ng sunog.

Samantala, isa pang sunog ang naiulat sa bayan ng Gumaca sa Quezon dakong alas-9 ng gabi noong Huwebes

Ayon sa Gumaca Municipal Disaster and Risk Reduction Office, nagsimula ang sunog sa isang malaking bodega.

Hanggang alas-10 ng gabi, sinusubukan pa ring apulahin ng mga awtoridad ang apoy. RNT