ILOCOS NORTE, Philippines – Niyanig ng magnitude 4.5 na lindol ang bayan ng Solsona, Ilocos Norte alas-2:42 ng hapon nitong Huwebes, ayon sa Philippine Institute of Volcanology and Seismology (Phivolcs).
May lalim na 10 kilometro ang lindol at naramdaman sa ilang bahagi ng Abra, Ilocos Norte at Ilocos Sur.
Naitala ng Phivolcs ang Intensity II sa Batac City, Ilocos Norte, at Sinait, Ilocos Sur.
Samantala, Intensity I naman ang naramdaman sa Bangued, Abra at sa Bacarra at San Nicolas sa Ilocos Norte.
Ayon sa Phivolcs, hindi inaasahan ang aftershocks. Wala ring naitalang pinsala o nasawi dahil sa lindol. RNT/MDS
