MANILA, Philippines – Patuloy na makakaapekto sa bansa ang shear line at Northeast Monsoon o Amihan.
Ayon sa PAGASA, magdadala ng maulap na kalangitan na may kalat-kalat na pag-ulan at isolated thunderstorm ang shear line sa Visayas, Bicol Region, Quezon, Oriental Mindoro, Marinduque, at Romblon.
Bahagyang maulap hanggang sa maulap na kalangitan na may isolated rain showers o thunderstorm naman ang mararanasan sa Mindanao at nalalabing bahagi ng MIMAROPA dahil sa localized thunderstorm.
Ang nalalabing bahagi ng bansa ay magkakaroon naman ng bahagyang maulap hanggang sa maulap na kalangitan na may isolated light rains dahil sa Amihan. RNT/JGC
