MANILA, Philippines – Nagpasaklolo na ang disaster management authorities ng Maynila sa Philippine Air Force bilang katuwang ng mga bumbero sa pag-apula ng matinding sunog na sumiklab sa Parola compound sa Binondo, Manila.
Sa report, nagsimula ang sunog alas-3 ng hapon sa Barangay 275.
Mabilis na kumalat ang apoy dahil gawa ang mga tirahan sa light materials.
Agad itong itinaas sa Task Force Bravo pagsapit ng 4:10 ng hapon ng Sabado, Mayo 23 at itinaas sa Task Force Charlie ng 5:15 p.m.
Pahirapan ang pag-apula sa sunog dahil ang apektadong lugar ay nasa dalampasigan ng Manila Bay.
Nakikipag-ugnayan na ang Manila City government sa Philippine Air Force para sa posibleng air-borne response. RNT/JGC
