Home NATIONWIDE Mas mahusay na pagganap sa trabaho ngayong 2025, target ng state prosecutors

Mas mahusay na pagganap sa trabaho ngayong 2025, target ng state prosecutors

MANILA, Philippines – Idinaos ang unang General Assembly ng mga prosecutors sa Department of Justice kasabay ng pagtanggap sa 20 na bagong prosecutors at para itakda ang mas may pananagutan at mahusay na pagganap sa tungkulin ngayong 2025.

Sa talumpati, sinabi ni Prosecutor General (PG) Richard Anthony D. Fadullon na ang pagiging prosecutor ay may marangal na layunin at ito ay nangangailangan ng pinakamahusay na pagsisikap.

“We are in the midst of a transition. The old practice of prosecutors not fully performing their core functions must come to an end. Each of us must embrace our responsibilities with diligence, integrity, and a commitment to deliver justice promptly.”

Hinikayat naman ni Justice Undersecretary Jesse Hermogenes Andres ang lahat ng piskal na tiyakin na naipapairal ang ‘compassionate justice’.

Mahalaga rin aniya na nakikipag-ugnayan ang mga prosecutor sa law enforcement agencies para sa case build-up at sa pag-usig ng mga kaso.

Naibahagi din sa ginanap na General Assembly ang mga nakamit ng prosecution service gaya ng 98% conviction rate ng mga DOJ prosecutors, 100% disposition rate sa inquest cases at 78.62% sa preliminary investigation.

Ipinagmalaki rin ang mga high profile cases na naipanalo gaya ng People vs Mabanta (Abu Sayyaf), People vs Cedric Lee, People vs Maute, People vs Aumentado and Lizada (CPP-NPA), People vs Mark Taguba (6.4 billion shabu case, highest drugs conviction), 2000 Sulu Kidnapping Case, People vs Zaragoza, People vs Sabile, Mamasapano Killings at ang pinakahuli ay ang People vs. Alice Guo.

“All of you play a vital role in our unwavering commitment to pursuing real justice in real time. With all your efforts and zeal on the line, our quest for justice is just within the horizon,” inihayag ni Justice Secretary Jesus Crispin “Boying” C. Remulla. TERESA TAVARES