MANILA, Philippines – SUMAMA si Department of Tourism (DOT) Secretary Christina Garcia Frasco kay Pangulong Ferdinand R. Marcos Jr. at kapwa mga miyembro ng gabinete sa New Delhi, araw ng Lunes para sa state visit sa India para palalimin ang pagtutulungan sa pagitan ng dalawang bansa sa iba’t ibang mahalagang sektor kabilang na ang turismo, kalakalan, pamumuhunan at connectivity.
Ang nasabing pagbisita ay tanda ng makabuluhang milestone sa ika-75 anibersaryo ng diplomatic relations sa pagitan ng Pilipinas at India.
“We are honored to be part of President Ferdinand R. Marcos Jr.’s state visit to India, as we strengthen bilateral ties and unlock greater opportunities for tourism cooperation,” ang sinabi ni Frasco sa isang kalatas.
“The Department of Tourism has placed strategic focus on the Indian market, recognizing its vast potential—from enhancing connectivity and visa facilitation, to promoting travel experiences for Indian tourists,” aniya pa rin.
Bilang bahagi ng delegasyon, inaasahan na magsasagawa ang Kalihim ng serye ng high-level meetings kasama ang mga Indian stakeholders sa negosyo, aviation, turismo at entertainment.
Nakatakda namangmakapulong ni Frasco ang Federation of Indian Chambers of Commerce and Industry, itinuturing na ‘pinakamatanda at pinakamalaking business chamber ng India, upang pag-usapan ang estratehiya para itaas ang Indian tourist arrivals sa Pilipinas.
Makikipag-ugnayan din si Frasco sa mga executives mula sa flag carrier, Air India ng nasabing bansa at itinuturing na ‘largest low-cost airline’, ang IndiGo, “to explore the enhancement of direct flight connectivity between the two countries.”
May mga karagdagang pakikipagpulong sa hotel operators, resort developers, at travel companies na naglalayong lumikha ng malakas na ugnayan para sa paglago ng turismo.
Ang isa pang pangunahing agenda item ay kinabibilangan ng potensiyal na kolaborasyon kasama ang National Film Development Corporation Limited, India’s state-run film body, habang tinitingnan ng DOT ang oportunidad sa film tourism—isang hakbang para maaaring dalhin ang Indian film productions sa dalampasigan ng Pilipinas.
Samantala, nananatili naman ang India bilang high-growth source market para sa Philippine tourism, at ang kamakailan lamang na visa-free entry policy iay inaasahan naman na magpapahusay competitiveness ng bansa bilang travel destination sa hanay ng Indian tourists.
“More employment and livelihood opportunities for Filipinos nationwide are anticipated as the state visit underscores broader diplomatic and economic efforts to elevate the countries’ relationship through cross-sectoral collaboration and people-to-people exchange,” ayon kay Frasco. Kris Jose
