MANILA, Philippines- Mayroong mas malaking papel na gagampanan ang Association of Southeast Asian Nations (ASEAN) sa ilalim ng Philippine chairmanship sa 2026 sa mga usapin na nakapaligid sa rehiyon kabilang na ang Myanmar crisis at South China Sea.
Sa Bagong Pilipinas Ngayon briefing, sinabi ni Foreign Affairs Secretary Enrique Manalo na hangad ng bansa na palakasin ang impluwensya ng bloc, kapwa sa global at regional issues habang itinutulak ang economic integration.
“So, we will focus on the economic integration. And then, lalakasan din iyong influence ng ASEAN sa mga ibang issues, mga global issues, especially iyong tinatawag namin na ASEAN centrality,” ang sinabi ni Manalo.
“ASEAN should play a larger role… will try to play a larger role sa mga issues sa region natin (in the issues in our region), including issues like Myanmar, perhaps South China Sea, and other issues,” dagdag na wika ni Manalo.
“The bloc will likely focus on discussions on the ongoing Myanmar crisis, progress on the Code of Conduct in the South China Sea, and Timor-Leste’s ASEAN membership, among other issues, during the meetings next year,” aniya pa.
Sa isang retreat sa Malaysia nito lamang kalagitnaan ng Enero, ipinarating ng mga ASEAN foreign minister ang “deep concern over the escalation of conflicts and humanitarian situation” at “minimal progress” ukol sa implementasyon ng ASEAN-formulated Five-Point Consensus sa Myanmar.
Hinggil naman sa South China Sea, nanawagan si Manalo sa mga partido na “exercise self-restraint” at “avoid actions that may further complicate the situation.”
Aniya, sa kasalukuyang sitwasyon sa West Philippine Sea, sinasabing halos linggo-linggo na hina-harass ng Chinese ships ang Filipino vessels, nananatili bilang “primary security challenge” ng Pilipinas.
Aniya pa, hinahawakan na ng DFA ang isyu sa mapayapang paraan at sa pamamagitan ng diplomasiya.
“The DFA’s approach is based on the directive of President (Ferdinand R.) Marcos Jr., which is to try and resolve the issues peacefully and through diplomatic means and in accordance with international law. That is what we are doing,” ang tinuran ni Manalo.
“While we are doing that, our position remains the same, that is we are also promoting Philippine sovereignty, sovereign rights and jurisdiction, in the West Philippine Sea in accordance with the United Nations Convention on the Law of the Sea,” dagdag ni Manalo.
Bilang paghahanda naman para sa ASEAN meetings, sinabi ni Manalo na mahigpit na silang nakikipag-ugnayan sa kasalukuyang ASEAN chair Malaysia.
Tinanggap ni Pangulong Marcos ang request ng ASEAN na maging chairman sa 2026, o isang taon na mas maaga sa iskedyul, matapos na bawiin ng Myanmar ang chairmanship nito.
Matatandaang huling nag-host ang Pilipinas ng pulong bloc noong 2017. RNT/SA