MANILA, Philippines – Sinuportahan ni Senador Risa Hontiveros ang pagbibigay ng karagdagang cash aid sa ilalim ng P30 billion fund para sa emergency assistance, para sa mas maraming PUV drivers at transport cooperatives – kahit iyong hindi naikokonsiderang “poorest of the poor.”
Sa kanyang liham nitong Marso 19, 2026, hiniling ni Hontiveros sa Department of Budget and Management (DBM) na linawin ang detalye kung paano magagamit ang P30 billion fund sa Department of Social Welfare and Development (DSWD)’s Assistance to Individuals in Crisis Situations (AICS) program at makarating sa libu-libong PUV drivers at miyembro ng transport cooperative members na lubhang apektado ng oil crisis.
“Sumulat tayo sa DBM para magtanong at maniguro sa agarang pag-abot ng tulong sa PUV drivers at transport coop members mula sa P30 billion na naset-aside para sa transport sector. Hirap kumita at baon na sa utang ang ating mga tsuper, at nasuspinde pa ang P1 fare hike. Huwag nating hintayin na maparalisa ang buong public transport system bago tayo tumulong,” ani Hontiveros.
Sa liham, sinabi ni Hontiveros na dapat ibigay ang tulong pinansiyal ng gobyerno sa lahat ng PUV drivers kahit ano ang kalagayan sa lipunan dahil “even those not currently classified under the poorest of the poor, require urgent supplemental income.”
“An initial technical review indicates that current oil prices force PUV drivers to incur a daily deficit of more than P1,000 per vehicle. “This revenue gap persists even after accounting for the combined effects of the excise tax suspension and the current fuel subsidy,” aniya.
Idinagdag pa niya na dapat makakuha ng suportang pinansiyal ang transport cooperatives dahil hindi na nila kayang pasanin ang halaga ng langis na paandarin ang lahat ng kanilang sasakyan na bumiyahe sa kanilang ruta araw-araw. “This means that transport operations are running at levels far below normal capacity, while their drivers are travelling less or not at all.”
“Sa ngayon, walang ayuda ang idadaan sa transport cooperatives, kaya tuloy natetengga ang kanilang mga tsuper, lalo na ngayong inatras pa ang fare hike. Kailangan natin sila suportahan bilang transport service providers, hindi lang bilang persons in a crisis situation,” aniya.
“Without a clear mechanism to ensure DSWD support reaches them, we face a distressing paralysis of our public transport system,” ayon kay Hontiveros.
Kaya’t nanawagan si Hontiveros sa kasamahan na suportahan ang panukalang supplemental budget bill para P52.8 billion subsidy package, na kabilang ang P12 billion transport subsidy sa PUV drivers – kasama ang delivery riders, at Transport Network Vehicle Service (TNVS) drivers. “The transport subsidy will also in part fund an expanded service contracting program under the Department of Transportation.”
“We need to drastically expand the subsidies being provided to our kababayans in this difficult time. Hindi imposible ang pagpasa at paghahanap ng pondo para sa supplemental budget, kaya dapat natin iyang pag-aralan at pagsikapan,” aniya. Ernie Reyes
