MANILA, Philippines- Nilagdaan ni Pangulong Ferdinand ”Bongbong” Marcos Jr. ang panukalang nagdedeklara sa May 16 kada taon bilang ”National Education Support Personnel Day.”
Kinikilala ng Republic Act No. 12178 ang mahalagang papel ng Education Support Personnel sa pagsasakatuparan ng karapatan sa edukasyon, sa pagpapairal ng positibo at ligtas na learning environments, at pagtitiyak na epektibo ang public at private education institutions sa pagbibigay ng de-kalidad na edukasyon para sa mga mag-aaral.
Tumutukoy ang terminong “Education Support Personnel” sa mga indibidwal na nagtatrabaho sa teaching-related o non-teaching positions ng anumang public o private school, college, university, o iba pang educational institution, kabilang, subalit hindi limitado sa teaching assistants, registrars, librarians, doctors, nurses, schools division counselors, school counselors, school counselor associates, guidance counselors, psychologists, clerks, at sa natitirang professional, administrative, technical, at general staff na sumusuporta sa learners, students, at teaching personnel.
Nakasaad sa Section 5 ng batas na dapat magsilbi ang Department of Education at ang Commission on Higher Education bilang pangunahing ahensya bilang paghahanda sa implementasyon ng annual program of activities para sa paggunita sa National Education Support Personnel Day.
”To ensure the meaningful observance and celebration of this day, the heads of national government agencies and government-owned and/or -controlled corporations involved in education, local government units, and private sector employers involved in education are encouraged to allow their respective personnel to participate in any related activity to be held within the premises of their respective offices or establishments,” saad sa batas. RNT/SA
