MANILA, Philippines – Nag-abiso ang Quezon City Disaster Risk Reduction and Management Office (QCDRRMO) nitong Lunes, Abril 28, sa mga residente ng lungsod na magsuot ng face mask kapag lalabas ng bahay, dahil sa ‘unhealthy’ hanggang ‘very unhealthy’ na air quality sa ilang lugar.
“If you have respiratory conditions, stay indoors if possible,” saad sa post ng QCDRRMO sa Facebook.
“If you must go out, wear a mask to protect your health,” dagdag pa.
Ayon sa QCDRRMO, maaaring tumawag ang publiko sa Helpline 122 para sa mga emergency.
Sa air quality map mula Abril 27 hanggang 28, tinukoy ng QC LGU ang mga sumusunod na lugar na may “very unhealthy” air quality:
Maligaya Elementary School
Kaligayahan Elementary School
Lagro High School
Susano Road
Payatas Controlled Disposal Facility
Samantala, ang mga sumusunod na lugar naman ay tinukoy ng QC LGU na may air quality na ‘unhealthy for sensitive groups’:
Novaliches Wet and Dry Market
P. Dela Cruz Street
Korphil Quezon City University
Pearl Drive Footbridge
Payatas Super Health Center
Quirino Highway cor. Mindanao Ave.
Tandang Sora Brgy. Hall Footbridge
Brgy. Sauyo Baluyot Satellite Hall
FEU Diliman
Jose Rizal High School
Hanggang nitong Abril 28, sinabi ng Swiss research firm IQair na ang air quality index sa QC ay nasa 90, na may Particulate Matter 2.5 (PM2.5) bilang main pollutant.
Ang PM2.5 concentration ng 29.9µg/m³ ay anim na beses na mas mataas sa World Health Organization annual PM2.5 guideline value.
“PM2.5 particles are floating particulate matter in the air measuring 2.5 micrometers in diameter or less. PM2.5 is so small it can be absorbed into the bloodstream upon inhalation,” ayon sa IQair.
“For this reason, it is typically the pollutant posing the greatest health threat,” dagdag pa. RNT/JGC
