Manila, Philippines – Pinili nang huwag nang magbigay-pansin si Ruffa Gutierrez sa isang misteryosang babae na paulit-ulit siyang minamessage upang hadlangan ang kanyang pakikipagkita sa dating asawa na si Ylmaz Bektas.
Sa mga nagdaang buwan, lumabas na may plano si Ylmaz na bumisita sa Pilipinas, kasama ang kanilang dalawang anak na sina Lorin at Venice, at dalhin sila sa isang European trip. Subalit, diumano, may isang anonymous na babae na pilit na pumipigil sa naturang pagkikita.
Kamapailan lamang, inihayag ni Ruffa na posibleng hindi na matutuloy ang pagbisita ni Ylmaz, batay sa mga haka-haka na maaaring nabasa nito sa online tungkol sa relasyon nito sa nobyong si Herbert Bautista.
Bagama’t hindi na niya pinapansin ang mga mensahe ng babae, hindi lamang siya ang tinatarget nito kundi pati ang kanyang anak na si Lorin at ang kanyang ina, si Annabelle Rama.
Hindi rin tinatanong ni Ruffa si Ylmaz tungkol sa sitwasyong ito, at nananatiling tahimik sa kabila ng mga paninira na ibinabato ng misteryosang babae laban sa kanyang dating asawa.
Maraming nagtatanong kung posibleng ang babae ay kasalukuyang nobya ni Ylmaz, lalo’t sabi nga ng kasabihan: “Hell hath no fury like a woman scorned.”
Patuloy na pinananatili ni Ruffa ang kanyang diskarte na huwag nang magpapadala sa gulo at paninira na dulot ng misteryosang babae. — Ronnie Carrasco III
