MANILA, Philippines – Gustong makibahagi ng Metropolitan Manila Development Authority (MMDA) sa pagpaplano sa flood control at iba pang infrastructure projects sa National Capital Region, sinabi ni MMDA chairman Romando Artes nitong Lunes, Enero 5.
Sa press briefing, sinabi ni Artes na nakikipag-usap na sila kay Public Works and Highways Secretary Vince Dizon kaugnay sa posibleng pakikipagtulungan.
“Dahil alam ninyo naman ang DPWH ang gumagawa ng mga infrastructure projects insofar as flood control is concerned. Tine-turn over na lang ‘yan sa atin kapag nagawa na,” ayon sa chairman.
“Pero this time, base sa aming discussions ni Gen. Torre, gusto namin sana this time, sa simula pa ma-involve na kami sa planning, sa execution, and implementation,” dagdag pa niya.
Noong nakaraang linggo ay nanumpa si Torre bilang general manager ng MMDA kapalit ni Procopio Lipana.
Ayon kay Artes, tututukan ni Torre ang pangangasiwa ng trapiko at flood control.
“Mamaya magrereport si Gen. Torre na nag-inspect na sila ng EDSA rehab. He made sure na lahat ng napagkasunduan insofar as EDSA rehab, particularly ‘yung pag clear ng lugar, ay nasusunod.” RNT/JGC
