Nasa mahigit sampung taon na pagtatago, hindi na nakapalag pa ang isang 54-anyos na driver at Most Wanted Person (MWP) sa Norherrn Samar nang matunton at ihain ang warrant of arrest sa kasong Murder sa kanyang tinutuluyan sa Imus City Cavite
Ayon sa report, kinilala ang naaresto na si Ariel Vacunawa y Obeda, tubong Allen, Samar, isang driver at residente ng Brgy Lipata na kasalukuyang nanunuluyan sa Malagasang 1F ng nasabing lugar.
Sa ulat, nakipag-ugnayan ang Northern Samar Police sa mga operatiba ng Warrant Section ng Imus City Police Station hinggil sa impormasyon na nagtatago ang isang MWP Regional Level PR8 sa kanilang nasasakupan.
Bandang alas-1:30 kamakalawa ng umaga, bibit ang isang warrant of arrest sa kasong Murder na may petsang 2011, sumugod ang mga operatiba sa tinutuluyang bahay ni Vacunawa sa lugar kung saan ito inaresto.
Nabatid na tinakasan ng suspek ang kanyang kaso sa Northern, Samar at nanirahan sa lalawigan ng Cavite
Hindi naman pumalag si Vacunawa na pansamantalang nasa kustodiya ng Imus Component City Police saka i-turn over sa point of origin ang Northern Samar Police.
Napag-alam na walang inirekomendang piyansa ang kaso laban sa suspek. Margie Bautista
