Manila Philippines- Patuloy pa rin ang isyu sa nakaraang episode ng It’s Showtime sa segment na “Expecially for You”, kung saan ang searchee ay si Axel kasama at ang contestant ay si Christine.
Pinalagan ng It’s Showtime host na si Vice Ganda ang di-inaasahang pagbeso ng guy sa ex at sabi niya, bawal ang paghalik sa guest at baka mademanda pa ito.
Payo pa ni Vice, dapat humingi muna ito ng permiso sa girl.
Maraming nagbigay ng kani-kanilang opinyon kaugnay ng “nakaw na halik” at nauna nang nag-post ang Vivamax hunk actor na si Nico Locco sa kanyang Facebook page.
Bagamat idinaan ni Nico sa blind item ang pasaring niya kay Vice, mahuhulaang ang TV host ang kanyang tinutukoy dahil siya ang segment host ng “Expecially for You”.
Matatandaang sumalang din sa “EXpecially For You segment.” ng It’s Showtime si Nico noon kasama ang ex-girlfriend niyang si Christine Bermas.
Sabi ni Nico, “Konting rant here kasi l’ve seen it going on for too long.
“Di ko sasabihin any names here… but I think we all know who l’m talking about.
“If you have to make fun of people and take personal shots at them palagi to make people laugh, it’s soooo not funny.
“Para sa akin, it’s simply a lack of intelligence and creativity. I’m so tired of seeing it pa-ulit ulit on TV.
“I won’t mention the show or network that repeatedly does it pero yeah, you know what I mean. Belittling someone to make people laugh doesn’t make you a comedian. It makes you a bully.
“I would love to see that specific person jump into their shoes for once para maramdaman niya what it feels like. Siguro he or she wouldn’t be laughing anymore.” Ador Saluta
