MANILA, Philippines – Magsisimula nang mangkolekta ng toll ang bagong NLEX-SLEX connector sa Agosto 8 mula ₱86 hanggang ₱302 para sa mga motoristang daraan sa Caloocan City road hanggang España Blvd., Manila.
Sa isang pahayag, sinabi ng Metro Pacific Tollways Corporation (MPTC) na ₱86 ang sisingilin para sa Class 1 na sasakyan, kabilang ang mga kotse at SUV; ₱215 para sa Class 2, kabilang ang mga minivan at bus; at ₱302 para sa Class 3 o malalaking trak at trailer.
Ayon sa MPTC, ang NLEX-SLEX connector’s Section 1 (Caloocan to España) ay nagbigay ng toll-free passage sa mahigit 14,000 motorista araw-araw mula nang una itong magbukas para sa publiko noong Marso.
Sinabi ng kompanya na target nitong makumpleto ang Seksyon 2 ng link (España hanggang Sta. Mesa sa Maynila) sa ikaapat na quarter ng 2023. Ang proyekto ay naglalayong magbigay ng mas madaling pag-access sa University Belt at mabawasan ang pagsisikip ng trapiko sa mga lungsod ng Malabon, Navotas, Caloocan, at Valenzuela. RNT
