MANILA, Philippines – Itinuring ng National Bureau of Investigation (NBI) na seryosong banta ang pananalita ni Vice President Sara Duterte na hindi ito nagbibiro sa planong pagpatay kay Pangulong Ferdinand Marcos Jr., First Lady Liza Araneta Marcos at dating House Speaker Martin Romualdez.
Sa cross examination ni Senator-judge Joel Villanueva, sinabi John Mark Calilung, digital expert ng National Bureau of Investigation (NBI) na nagsasagawa ng imbestigasyon ang ahensiya kapag may seryosong banta sa matataas na opisyal ng pamahalaan.
Naunang kinuwestiyon ni Villanueva si Calilung kung ano ang konsiderasyon ng ahensiya sa pagsusuri kung sisimulan ang imbestigasyon sa banta tulad ng ginawa ni Vice President Duterte kina Marcos at Romualdez.
“In my capacity, one of the considerations if it’s an active threat, if it’s the one giving the threat is capable of doing so,” ayon kay Calilung.
Tanong ni Villanueva: “kung ang pinagbabantaan ay pawang mataas na opisyal ng pamahalaan.”
“The capability or power over to implement do such threat, it is considered, sir,” tugon ni Calilung.
Nilinaw pa ni Villanueva na kung ano ang basehan ang isinagawang imbestigasyon ng NBI sa naturang banta ni Duterte kina Marcos, Lisa at Romualdez.
“Example, a mayor, perhaps? Would you say a high-ranking official? A congressman? Or yung basehan po ng threat kunwari po yung threat ko dadalhin kita doon sa buwan, wala naman akong space shuttle, so wala din pong bearing yon, is that a correct assumption?” tanong ni Villanueva.
Tugon ni Calilung na ikonokonsidera ng ahensiya na imbestigahan kung paano isinagawa ang pagbabanta sa Pangulo at Speaker of House tulad ng ginawa ni Duterte na nagsasabing hindi ito nagbibiro sa planong pagpatay sa naturang mga opisyal
“Not only, sir, but also how it was delivered, sir. Like what was mentioned that I mentioned previously, it was mentioned that no joke, no joke. It’s a serious,” ayon kay Calilung.
“So that is the consideration?’ tanong ni Villanueva.
“That’s one of the considerations, sir,” tugon naman ni Calilung.
Pagkatapos sumailalim si Calilung sa dalawang araw na direct at cross examination, kabilang ang clarificatory question mula sa senator-judges, isinara na ang pagtatanong sa naturang ahente ng NBI. Ernie Reyes
