MANILA, Philippines – Occidental Mindoro Lone District Rep. Leody “Odie” Tarriela ay nagsampa ng civil complaint sa Regional Trial Court sa Muntinlupa laban sa broadcaster na si Radamalyn “Boy Kamandag” Cardoza. Humihingi ang kongresista ng ₱13 million na danyos dahil sa umano’y paghahain ng walang basehang kaso laban sa kanya sa Office of the Ombudsman.
Ayon kay Tarriela, ang reklamong inihain ni Cardoza noong Marso 2026 ay may kaugnayan sa mga flood control projects sa lalawigan, ngunit giit niya ay gawa-gawa lamang at may layuning pulitikal at paninira.
Sabi ng kongresista, nakakuha na siya ng clearance mula sa Independent Commission on Infrastructure (ICI) at Department of Justice (DOJ), at wala umanong naihain na kaso laban sa kanya. Inalis na rin ang kanyang pangalan sa Immigration Lookout Bulletin Order (ILBO).
“I have been cleared by both the DOJ and the ICI, and my lookout order has already been lifted. Not a single case was filed against me because there was never strong evidence to begin with. This action by Cardoza to file what amounts to a fabricated complaint clearly shows his intent—to engage in politics and harass me. He even dragged the DOJ, ICI, and the Ombudsman into this,” saad ni Tarriela.
Dagdag pa niya, hindi dapat ginagamit ang legal na proseso para siraan ang ibang tao at sirain ang reputasyon ng mga opisyal.
“This should serve as a reminder to everyone not to misuse our courts or use the law as a tool to destroy another person’s reputation and integrity,” dagdag niya.
Sinabi rin ni Tarriela na patuloy siyang tututok sa kanyang trabaho para sa Occidental Mindoro, kabilang ang power supply, kabuhayan, kalusugan, at agrikultura.
Samantala, tumanggi namang magbigay ng pahayag si Cardoza at sinabi na pinayuhan siya ng kanyang abogado na huwag muna magsalita habang naghahanda ng counter-affidavit. RNT/MND
