One Cebu todo-suporta sa senatorial bid ni Camille Villar

Ipinahayag ng One Cebu Party, sa pangunguna ni Gov. Gwen Garcia, ang buong suporta nito sa kandidatura ni Deputy Speaker Camille Villar sa Senado nitong Miyerkules.

Itinaas ni Gov. Garcia ang kamay ni Villar bilang simbolo ng matibay na suporta mula sa partido, na binubuo ng 31 mayor sa buong probinsya.

“Lubos po akong nagpapasalamat at taos-pusong tumatanggap sa suporta mula kay Gov. Gwen at sa mga mayor ng One Cebu. Hinding-hindi ko po ito kakalimutan,” ani Camille Villar.

Nangako si Villar na tututok siya sa paglikha ng trabaho, pagpapalakas ng kababaihan, pagtuturo ng financial literacy, at pagsuporta sa maliliit na negosyo.

“Naniniwala ako na mahalaga ang pag-angat ng mga lokal na negosyo at kababaihan para sa mas malawak na kaunlaran,” dagdag pa niya.

Kasama ang kanyang kapatid na si Sen. Mark Villar, bumisita si Camille sa Cebu habang ipinagpapatuloy ang kanyang kampanya sa Western Visayas (Region 7), kung saan Cebu ang may pinakamaraming botante na aabot sa 3.7 milyon. RNT