MANILA, Philippines – Itinalaga si Office of Transportation Cooperatives (OTC) chairperson Jesus Ferdinand “Andy” Ortega bilang bagong undersecretary ng Department of Transportation (DOTr), kinumpirma ng opisyal sa isang ulat.
Si Ortega ay magsisilbing undersecretary para sa Road Infrastructure ng ahensya, ani Jonathan Gesmundo, executive assistant ni Transportation Secretary Jaime Bautista.
Si Ortega ay pinangalanang pinuno ng OTC noong Pebrero 2023.
Ayon sa website ng OTC, inaatasan itong magpahayag at magpatupad ng mga patakaran at regulasyon na mamamahala sa promosyon, organisasyon, pagpaparehistro (accreditation), regulasyon, pangangasiwa, at pagpapaunlad ng mga kooperatiba sa transportasyon, na napapailalim sa pag-apruba ng DOTr. RNT
