MANILA, Philippines – Isang aksidente sa kalsada sa Miagao, Iloilo, noong Black Saturday ang ikinasugat ng 57 pasahero na papunta sa isang beach resort sa San Joaquin.
Ang pribadong Mitsubishi jeep na minamaneho ni Robert Alemania ay nawalan ng kontrol sa isang pababang bahagi ng kalsada sa Barangay Dingle.
Siyam na pasahero ang itinuturing na outpatients, habang ang iba ay nananatili sa ospital.
Ang sasakyan ay overloaded at mabilis ang takbo nang mangyari ang insidente bandang 8:30 ng umaga.
Hinikayat ni Maj. Richard Lao, hepe ng Miagao police, ang publiko na mag-ingat sa paglalakbay, lalo na’t ang Miagao at San Joaquin ay inaasahang magiging destinasyon ng mga nagbe-beach. RNT
