MANILA, Philippines – Triple ang naging gastos ng confidential funds ng Office of the Vice President noong 2023.
Ayon sa Commission on Audit, lumobo sa P375 milyon noong 2023 ang nagastos na confidential funds ng OVP mula sa P125 milyong confidential funds na ginastos ng opisina sa loob ng 11 araw noong 2022.
Sinabi ng COA na ang confidential expenses ay para sa maayos na implementasyon ng iba’t ibang proyekto at aktibidad sa ilalim ng Good Governance Program, socio-economic program delivery, at official engagements sa international at domestic events.
Bukod sa confidential expenses, nakita rin sa COA report na tumaas ang travel expenses ng OVP noong nakaraang taon.
Gumastos ang OVP ng P20.11 milyon noong 2022, at tumaas ito sa P42.58 milyon noong 2023. RNT/JGC
