MANILA, Philippines- Nasabat ng Philippine Drug Enforcement Agency (PDEA) ang P1.08 bilyong halaga ng ilegal na droga sa mga operasyon mula May 23 hanggang 30.
Kabilang sa 63 anti-drug operations ang 44 buy-busts, pitong marijuana eradication missions, pitong search and seizure raids, at limang interdiction efforts na nagresulta sa pagkakaaresto sa 91 indibdiwal, base sa PDEA news release nitong Linggo.
Bahagi ang mga operasyon ng pinaigting na kampanya ng ahensya sa ilalim ng direktiba ni Pangulong Ferdinand R. Marcos Jr. para sa pagtugis sa mga sangkot sa drug trade.
Nakumpiska ang 156,407.80 gramo ng shabu, 80.94 gramo ng dried marijuana leaves, 5,000 gramo ng dried marijuana stalks, at 61,662 marijuana plants.
Noong May 26, nagresulta ang PDEA raid sa Barangay Pampang, Angeles City, Pampanga sa pagkakadiskubre sa P1 bilyong halaga ng shabu.
“These accomplishments reflect our dedication to integrity, service, and public safety. We will remain vigilant and relentless in our mission to free our communities from the threat of illegal drugs,” pahayag ni PDEA Director General Undersecretary Isagani Nerez. RNT/SA
