MANILA, Philippines- Sinalakay ng mga tauhan ng Bureau of Customs (BOC) ang tatlong gasoline stations sa Bicol Region kung saan nakumpiska ang mahigit 39,000 litro ng non-compliant na gasolina na may tinatayang halaga na ₱2.6 milyon.
Ito ay kasunod ng pagsugpo ng Customs sa mga ilegal na operasyon ng gasolina sa rehiyon ng Port of Legazpi.
“During the random field testing conducted by the BOC Enforcement and Security Service (BOC-ESS) in coordination with Société Générale de Surveillance Philippines, both the initial and confirmatory tests found the marker below the required compliance threshold, indicating that the fuel was withdrawn to evade taxes and duties,” saad sa pahayag ng BOC.
Dahil dito, inisyuhan ng Warrants of Seizure and Detention ang mga nasabing gasolina na nakaimbak sa mga sinalakay na gasoline station dahil sa mga paglabag sa DOF-BIR-BOC Joint Circular No. 001-2021, na may kaugnayan sa Section 148-A ng Republic Act No. 8424, na kilala bilang ‘National Internal Revenue Code,’ na tinutukoy din ng Republic Act No. 10963, o mas kilala na ‘TRAIN LAW.
“These findings highlight the persistent challenges we face in enforcing fuel regulations. It is evident that some operators continue to defy compliance measures,” ayon kay District Collector Guillermo Pedro Francia IV.
