MANILA, Philippines – Nasa P31.92 milyon halaga ng smuggled na sigarilyo, marine materials, at apat na transport vehicles ang nakumpiska ng Bureau of Customs (BOC) sa apat na magkakahiwalay na operasyon sa Zamboanga noong Hulyo.
Sa isang pahayag nitong Huwebes, sinabi ng BOC na ang pinagsamang operasyon ng Enforcement and Security Service (ESS), Customs Intelligence and Investigation Service (CIIS), at Office of the District Collector ay nagbunga ng kabuuang 370 master cases ng smuggled na sigarilyo at 250 sako ng white sand na may mga sirang corals.
Binanggit ng BOC na ang pagkumpiska ay nangyari matapos mabigo ang mga driver na magpakita ng kaukulang dokumento at permit sa pag-import.
“The Port of Pampanga has placed the smuggled items and the vehicles used to convey them under forfeiture proceedings, as it initiates a case build-up to identify and charge those behind these unlawful acts,” ayon sa ahensya.
Ibinahagi rin nito na ang mga warrant of seizure at detention ay inisyu para sa mga paglabag sa mga regulasyon sa tabako sa ilalim ng Executive Order No. 245 at Customs Modernization and Tariff Act, gayundin ang Philippine Mining Act at Batas Pambansa Blg. 265 para sa pag-agaw ng mga bagay sa dagat. RNT/MND
