MANILA, Philippines – Inaprubahan ng isang subcommittee ng Kamara ang paglilipat ng ₱46 bilyon mula sa flood control budget ng Department of Public Works and Highways para sa 2026 patungo sa dalawang social aid programs.
Sa mungkahi ni House Minority Leader Marcelino Libanan, ₱32.6 bilyon ang inilaan sa Assistance to Individuals in Crisis Situations (AICS) at ₱14.82 bilyon sa Tulong Panghanapbuhay sa Ating Disadvantaged/Displaced Workers (TUPAD).
Kasunod ito ng anunsyo ni Pangulong Ferdinand Marcos Jr. na walang bagong pondo para sa flood control sa 2026. Sa realignment, tataas ang budget ng AICS mula ₱26.9 bilyon tungo ₱59.5 bilyon, habang ang TUPAD ay mula ₱12.1 bilyon tungo ₱26.9 bilyon.
Ayon kay Appropriations chair Mika Suansing, tugon ito sa hiling ni DSWD Secretary Rex Gatchalian, at binigyang-diin na umabot sa ₱70 bilyon ang pinagsamang AICS at AKAP ngayong taon. Giit ng mga mambabatas, tinutulungan ng adjustments ang mga mahihirap na pamilya at nawalan ng trabaho habang pinapangalagaan ang fiscal space. RNT
