MANILA, Philippines – Ipinag-utos ng Sandiganbayan noong Biyernes, Nobyembre 21, ang pag-aresto kay dating Rep. Zaldy Co at 17 iba pang opisyal ng Department of Public Works and Highways (DPWH) at mga direktor ng Sunwest Corporation na sinampahan ng kasong graft at malversation of public funds sa P289.5 million flood control project sa Naujan, Oriental Mindoro.
Sa isang pahayag, hiniling ng Office of the Ombudsman (OMB) sa mga alagad ng batas na ipatupad ang pag-aresto kay Co at 17 iba pang akusado.
Ang tatlong kasong isinampa ng OMB noong Nobyembre 18 ay na-raffle sa ikalima, ikaanim, at ikapitong dibisyon ng anti-graft court.
Bukod kay Co, pinaaresto rin sina sina DPWH Region IV-B Director Gerald A. Pacanan, Assistant Regional Director Gene Ryan A. Altea, Assistant Regional Director Ruben C. Santos, Jr., Construction Division Chief Dominic G. Serrano, Project Engineer III Felisardo S. Casuno, Materials Engineer Timojen A. Sacar, Planning and Design Division OIC-Chief. Assurance and Hydrology Division OIC-Chief Dennis P. Abagon, Accountant IV Lerma D. Cayco, bids and awards committee member Grace D. Lopez, BAC vice chairperson Friedrich Karl L. Camero, President at Chairperson ng Sunwest Board of Directors Aderma Angelie D. Alcazar, Treasurer Cesar X. Buenaventura, at mga miyembrong si Al.don Consuelong Noel Y. Cao, at Anthony L. Ngo.
Ang paglabas ng warrant of arrest ng mga nabanggit na indibidwal ay kaugnay pa rin sa kontrobersyal na lood control projects
Matapos mailbas ang arrest order, maaari nang humingi ng red notice ang Ombudsman sa International Criminal Police Organization (Interpol) na humihiling sa mga law enforcement agencies sa ibang bansa na arestuhin si Co na umalis ng Pilipinas noong Hulyo at hindi na bumalik mula noon.
Ang Ombudsman ay maaari ding magpetisyon sa Sandiganbayan na iutos ang pagkansela ng pasaporte ni Co upang maiwasan ang kanyang paglalakbay mula sa isang bansa patungo sa isa pa. Jocelyn Tabangcura-Domenden
